༈ རྩལ་སྦྱོངས་བདེ་ཆེན་རོལ་པའི་ཐབས་ཀྱི་རིགས་པ།

༈  ཆོས་ཐམས་ཅད་རིག་པའི་རྩལ་དུ་འཆར་བའི་ངོ་བོ་སྟོང་པ་ཆོས་ཀྱི་སྐུའི་དབྱིངས་དང་མཉམ་པ།  རང་བཞིན་མ་དགག་གསལ་བའི་རིག་པ་གང་ཡང་དུ་འཆར་གཞི་ཡོད་པས་རྩལ་ཞེས་དང།  སྟོང་གསལ་ངོ་བོར་རྟོགས་པའི་རྟོགས་པ་མེད་ན་མི་རུང་བ་ནི་ཐབས་ཡང་ཡིན་སྟེ་ཐབས་ཤེས་ཟུང་འཇུག་གི་ངོ་བོར་བཞུགས་པའི་ཐུགས་རྗེ་དེ་སྙིང་རྗེ་བྱང་སེམས་ཀྱི་ལམ་བཞུགས་གང་ཟག་ཁྱད་པར་གྱི་རྣམ་པར་སྤྲུལ་པའི་སྐུའི་སྲོག་ལྟ་བུ་ཡིན་པ་རེད།  རྩལ་སྦྱོང་ཟེར་བ།  རྒྱལ་སྲས་སྤྱིའི་སྤྱོད་པའི་གྲོགས་པོ་བཟང་པོ་ལ་བརྟེན་པའི་དགོས་པ་ནི་ཚོགས་གཉིས་བསགས་པའི་དབང་གིས་འཕེལ་བའི་སྙམས་མྱོང་བྱེད་རྒྱུ་དམ་དེ་དང་སྐྱེས་པར་གྲོགས་པའི་རྐྱེན་དང།  ཆོས་ཉིད་ཟད་སར་རང་སྣང་འཁྱོལ་བའི་སྒྲིབ་གཉིས་སྦྱངས་པའི་སྟོབས་དང་གཉིས་ལྟ་བུ་ལ།་  ་རྩལ་གྱི་དོན་ལྷུན་གྲུབ་གྱི་གཞི་ནས་གོ་ཚུགས།  དེ་དང་མཐུན་པའི་སྤྱོད་ལམ་བཟང་པོ་ཞིག་སྐྱོང་དགོས་པའི་རྒྱུ་མཚན་གང་འདྲ་རེད།  ཐུགས་རྗེའི་འཆར་གཞི་རྩལ་གྱིས་རོལ་པའི་སྣང་སྲིད་འཁོར་འདས་ཀྱི་ཆོས་ཐམས་ཅད་ཡིན་པས་ལྷུན་གྲུབ་ཏུ་འཆར་བའི་རྟེན་ཅིང་འབྲེལ་བའི་ཆོས་ཅན་སོ་སོ་རང་རིག་པའི་ཀློང་དུ་འུབ་ཆུབ་ཏེ།  རིག་པའི་ཡེ་ཤེས་ཀློང་གཅིག་ཏུ་གང་འདུལ་གྱི་ཕན་པའི་ཐབས་བདེ་ཆེན་ལྷུན་གྲུབ་གྱིས་རོལ་པའི་གྲོགས་སུ་ཤར།  དེ་ལྟར་ཡིན་དགོས་པའི་མོས་པ་བྱེད་མཁན་དཀོན་མཆོག་བཀྲ་ཤིས་ལ་ནོར་འཁྲུལ་ཡོད་ཚད་རྩ་གསུམ་གྱི་ལྷ་ཚོགས་སྤྱན་མདུན་གྱི་གཤགས་ཤིང་བཟོ་བཅོས་མ་བྱེད་པའི་དམ་དང་བཅས་པས་བཟོད་བསྩལ་ཞུ་བས་དགེ།་