།སུ་ཡང་མ་བྱས་ཆོས་ཀུན་མཉམ་པའི་དབྱིངས།
།གང་ཡང་མ་བྱེད་མེད་པའི་འཁོར་འདས་གཞིའི།
།རང་གཞན་འགལ་བསྡུས་གཅོད་པའི་ཤེས་རབ་དབལ།
།ཐུགས་རྗེ་ཐབས་དང་བྲེལ་ན་རྣམ་སྣང་མཛད་།
།མདོ་སྔགས་ཟུང་འཇུག་ཀུན་བཟང་སྤྱོད་པའི་སྲས།
།དབྱིངས་རིག་ཟུང་འཇུག་ཀུན་བཟང་ཕ་མེས་ནོར།
།དོན་གཉིས་ཟུང་འཇུག་ཡིད་བཞིན་སྐྱེ་མཆོག་འགྱུར།
།རེ་དོགས་མནན་པའི་དཔའ་བོ་འདི་ལྟར་རམ།
།སུ་དང་འཕྲད་ཀྱང་མ་སྲིང་མཆེད་པོ་རྣམས།
།རང་དང་མཉམ་པའི་མ་རྒན་སེམས་ཅན་རེའི།
།སྲིད་གསུམ་མ་སྟོང་བར་དུ་བྱམས་སྙིང་རྗེས།
།ནམ་ཡང་མི་འདོར་དམ་བཅས་ལྷུག་པར་སྡོད།
།སོ་སོའི་སྐྱེ་བོས་བཏགས་པའི་གང་ཟག་རེ།
།སྒྲིབ་གཉིས་གང་བའི་སྒོ་གསུམ་སྡུག་གསུམ་གྱིས།
།སྲིད་གསུམ་གནས་སུ་ཟག་པའི་ཁམས་གསུམ་ཡང།
།དུས་གསུམ་བར་མེད་ཆུ་བོ་བཞི་ཡིས་ཁྱེར།
།བདག་གཅིག་འབྲེལ་བའི་ལམ་དང་དེའི་གང་ཟག
།ཚོགས་གཉིས་སྦྱང་བྱའི་སྒོ་གསུམ་འདག་གཞིར་བྱེད།
།གསང་གསུམ་སྙིང་པོའི་ཡོན་ཏན་འགའ་མཐོང་གི
།སྐྱོན་ཡོན་གང་བའི་ཟག་འབྲས་དེ་དེར་བཏགས།
།བསྒོམ་བྱའི་ཐ་སྙད་ཀུན་བྲལ་སྒྲིབ་གཉིས་སངས།
།སྒྲུབ་བྱའི་ཆོས་ཡོན་ཀུན་ལ་དབང་ཞིང་རྒྱས།
།སྐུ་གཉིས་ཟུང་འཇུག་འགྲན་ཟླ་ཀུན་དང་བྲལ།
།ཉི་མའི་གཉེན་མཆོག་འཕགས་པའི་གང་ཟག་ཉིད།
།དེ་ལྟར་མ་དག་འདག་པར་བྱེད་མཁན་དང།
།ཤིན་ཏུ་དག་པའི་གང་ཟག་བཏགས་པ་བའི།
།སྐབས་སུ་དང་པོ་གཉིས་ལ་འཕགས་པར་བཞེད།
།མཐའ་མ་གདོད་མའི་གཞི་ལས་འཕགས་པར་གསུངས།
།ཐེག་གསུམ་འཕགས་པའམ་རིགས་སུ་རྣམ་བཞག་པའི།
།གཞིའི་ངོ་བོའི་གནས་འགྱུར་ལུགས་བྱུང་དང།
།ལྡོག་པའི་རྟེན་འབྲེལ་ཀུན་གྱི་གཞི་གང་གི།
།རིག་འཛིན་དེ་དེའི་འཕགས་རིགས་ཁུངས་སུ་བརྗོད།
།གང་ལྟར་སྐབས་གསུམ་གཞི་ལམ་འབྲས་བུའི་ཚིག།
།ལག་མཐིལ་སོར་མོའི་་་ཤློཀའི་གྲངས་མཚོན་པའི་་་ཚུལ་ཡིག་འདིས་གཅོད་པའི།
།གཟུང་དོན་བཟང་ངན་གང་ཡང་ཤེས་བྱེད་ན།
།དེ་འདྲ་ནམ་དུ་གཟིགས་པའི་ཚུར་གླེང་ཞུ།
།འདིར་མཆིས་དགེ་བའང་འགྲོ་ལ་རབ་བསྔོ་དང།
།ཅི་མཆི་སྐྱོན་ཀུན་བཛྲ་སཏྟྭར་གཤགས།
།ས་མ་ཡས་འདག་འགྱུར་བགྱིས་དམ་པར་བཅས།
།རྩ་གསུམ་ལྷ་ཚོགས་མ་འཁོན་སྲུངས་ཞེས་གསོལ།
No comments:
Post a Comment