༈ །བྱ་རྒོད་ཕུང་པོའི་རི་ངོགས་སྐྱེད་མོའི་ཚལ།
།ཤིང་སྡོང་ཆེ་བའི་གྲགས་སར་རི་ཐོད་ཀྱི།
།དཔུང་པོའི་གཡས་གཡོན་གཉེན་བཤེས་དུ་མར་དྲངས།
།སེམས་ཅན་བདེ་སྐྱིད་དེ་རུ་མང་བཙལ་ཀྱང་།
།ལྷ་སྲིན་འདེ་མོར་བཟློག་པའི་འཚུབ་མང་བས།
།ཆོས་ཀྱི་སྒྲོན་མེ་རླུང་ཤུགས་མར་མེ་འདྲ་།
།སྒྲུབ་བརྒྱུད་ཤིང་རྟའི་དེད་དཔོན་གང་ཆེས་ཀྱང་།
།སེམས་ཅན་བདེ་སྐྱིད་གཡེང་ལ་འཆོར་ཀྱང་སླ།
།དེ་དུས་གུ་རུར་གསོལ་བ་བཏབ་པའི་བུའམ།
།རིགས་ཀྱི་བུ་མོས་ཡིད་ཀྱང་ཆེས་པར་སླ།
།སེམས་ཅན་དོན་ལ་དཔའ་སྟེ་རྗེས་སུ་འཛིན།
།སྦྱིན་པ་རྣམ་གསུམ་གཞན་གྱི་དབུགས་དབྱུང་ཐབས།
།མཆོག་ཏུ་གྱུར་པ་རྗེ་བཙུན་ཁྲོས་མར་གཞེངས།
།དགྱེས་བཞིའི་རྒྱུན་སྐྱོང་ཞི་བདེའི་རྟེན་འབྲེལ་ཚུགས།
།སེམས་དཔའི་གདེངས་དང་མི་བྲལ་ཐ་ཚིག་གོ
ཞེས་རང་ཉིད་གང་དུ་སྡོད་པའི་གྲོང་གསེབ་ས་ཆ་གཙོ་ཆེ་བའི་རྟགས་བྱ་རྒོད་མང་པོ་བསྡུས་པ་ལ་སོགས་པའི་ལྟས་མོ་རྣམས་དྲན་ནས་དེ་ལ་བསྟོད་ཚིག་སྙན་པོ་འགའ་ཤས་དགོས་ཞེས་བསམ་བློ་བཏང་ནའང་། རང་ལ་བགྲོས་འདེབས་སུ་ཤར་མར་གང་ཕབ་པ་འདིའི་དགེ་བ་འགའ་ཡོད་ན་དོན་གཉིས་སུ་ཡང་དག་པར་བསྔོ་བ་དང་། རང་མགོ་རང་གིས་བསྐོར་བཏང་བའི་རློམ་སེམས་ཀྱི་དཔང་པོར་བྱས་ཏེ་གཤགས་ཤིང་བཟོད་བཙལ་དུ་སྨོན་པའི་བློ་དང་ལྡན་པའི་པད༷་མིང་ཞིག་གིས་སོ།
No comments:
Post a Comment