༄༅། །ཨ་རིའི་ཕྱོགས་སུ་བཅའ་བཞུགས་་སྔ་འགྱུར་སྙིང་མ་པ་རྣམས་ལ་གདམས་པ་བཞུགས་སོ།།
།རྟོག་དཔྱོད་ཤེས་རབ་གསུམ་གྱི་གཞི་མ་འཛིན། །བསམ་གཏན་ལྟར་སྣང་གཟུགས་ལེགས་རྗེས་རྒྱུག་རྣམས། །དེང་འདིར་ཨ་མགོ་མེ་རིའི་མཇུག་ལྡན་ཡུལ། །སྐྱེས་ཆེན་བླ་མའི་སློབ་འཁོར་འགའ་ཞིག་སྣང། །བོད་ཀྱི་རྒྱལ་ཁམས་ཆོས་ཀུན་འཛིན་མའི་གཞིར། །སྔ་ཕྱི་མེད་པར་བསྟན་པའི་འཁུར་འཛིན་རྣམས། །ཐོས་བསམ་བསྒོམ་གསུམ་ཤེས་རབ་མེད་པར་ནི། །ངེས་པའི་མངོན་རྟགས་མི་འབྱུང་སུ་མི་བཞེད། །བསྟན་པའི་བརྒྱུད་འཛིན་ནུས་པའི་གང་ཟག་གཅིག། །དེ་གསུམ་བརྟེན་ནས་འབྱུང་ཀྱང་དེ་ཙམ་གྱིས། །རིག་གནས་བཅུ་ཚང་མང་ཐོས་མཁྱེན་ཡོད་ཞེས། །ཁྱབ་པར་སྒྲུབ་པའི་རྟོག་གེའི་ང་རྒྱལ་ཆེ། །རྒྱུད་རློམ་རྟོག་གེའི་གཏན་ཚིགས་མ་གཏོག་པའི། །ནང་བསྟན་དོན་གྱི་བློ་ལྡན་དེ་མི་བཞེད། །མངའ་འགྱུར་སྒྲུབ་པའི་དབང་ཕྱུག་ཆེན་པོ་རྣམས། །ལྷ་དང་སྔགས་ཀྱི་ནུས་པས་བསྟན་དོན་བསྒྲུབས། །དེའི་ཞོར་དེ་རྣམས་ཕལ་ཆེར་མཁས་པའི་ཚུལ། །སྔོན་མ་སྦྱང་ཀྱང་དགོས་པའི་མཐུན་རྐྱེན་ལས། །ལྷུན་གྲུབ་རིག་འཛིན་མཁས་པའི་ཚུལ་བསྟན་གང། །མངའ་འགྱུར་བསྟན་པའི་མཁས་ཚུལ་དེ་རྨད་འབྱུང་། །འོན་ཀྱང་ལོ་རྒྱུས་ལེགས་པར་མ་དཔྱད་པར། །ནུབ་ཕྱོགས་ཨ་རིས་སྙིང་མའི་སྔགས་བརྩོན་འགས། །སྔ་འགྱུར་རིང་ལུགས་དད་མོས་ཁས་བཞེད་དང་། །ནུབ་ཕྱོགས་གཙུག་ལག་མཁས་པའི་ལུགས་ལ་སྨད། །སྒྲུབ་རྒྱུད་སྔགས་ཆས་ཚད་ལ་ཆེས་དད་བཞིན། །མ་དཔྱད་མཁས་ལུགས་ཀུན་ལ་སུན་འབྱིན་ནའང་། །སྔ་འགྱུར་སྙིང་མའི་ཆོས་དང་གང་ཟག་རྣམས། །ཚད་མར་མཐོང་ན་ཆོས་དང་རིགས་གཞུང་གཉིས། །སོ་སོར་ལེགས་འབྱེད་གཞི་ཚུགས་རིགས་པ་ཉིད། །སྣང་ཙམ་དབང་དུ་རྟོག་པས་བཏགས་པས་ན། །བདེན་ལྟར་སྣང་ཡང་གནས་ལུགས་དོན་ལས་གོལ། །གང་ལྟར་སྙིགས་ལྔ་དུས་ཀྱི་གང་ཟག་དང། །ལྟ་བ་ལ་སོགས་བསླུ་བའི་ཆོས་ཅན་ལ། །ཡིད་ཆེས་མི་རུང་དོན་དུ་གནས་མོད་ཀྱི། །རང་གཞན་སྡེ་ཡི་ཆོས་དང་སྲིད་དོན་གཉིས། །ཕྱི་ནང་སྒྲུབ་མཐར་གཏོགས་པའི་གནས་སྣང་ཆོས། །དྲང་ངེས་དོན་བཞིན་མ་དཔྱད་བླང་འདོར་སོགས། །ནང་བསྟན་རྗེས་འབྲངས་པ་དེས་འབྱེད་མི་ཤེས། །ཨ་རིའི་དབང་ཐང་རྒྱུ་དང་ཁྱོན་རྒྱ་ཆེས། །འཁྲིམས་ལུགས་ཉུང་བཞིན་ངོ་མི་ཚ་བར་སྤྱོད། །དེ་ལྟར་དེའི་ཤུགས་ཨ་རིའི་རིགས་དང་ལུང། །ནང་བསྟན་དང་རྟེན་འབྲེལ་ཆེན་ཆེ་ཆེར་རློམ། །རྒྱ་བོད་ལ་སོགས་ལུགས་སྙིང་ཆོས་ཀྱི་རྒྱུན། །ཕོད་གང་ཙམ་གྱི་གོ་བ་ལས་མེད་ཀྱང། །དེ་ལ་རྒྱ་མཚོའི་ཆུ་ལྟར་ཚུར་མཐོང་བས། །རིགས་གཞུང་མཆོག་འཛིན་ལྟ་བའི་རྣམ་བཞག་བྱེད། །ནང་ཆོས་ཡོན་ཏན་གང་གི་དོན་འདི་སྔར། །རང་གཞུང་ཡོད་པས་རང་དང་མི་མཐུན་པའི། །བཀའ་ལས་འབྱུང་བའི་དོན་གཞན་ལོག་པའམ། །བླུན་དད་བློ་ཡིས་རྫུན་ལྟར་སྨོད་པ་ནི། །དགེ་སློང་ལེགས་དཀར་ལྷས་སྦྱིན་ངན་སྨོན་གྱི། །བོན་སྡེ་སོགས་ཀྱི་གསར་སྐྱེས་ལས་སུ་རུང། །ནང་བསྟན་ཡང་དག་སྡེ་གསུམ་གཞི་ལམ་འབྲས། །ལྟ་བསྒོམ་སྤྱོད་པའི་ཀླས་ཀྱིས་ཆེར་འཁྲུགས་བྱེད། །མཐར་ཐུག་ལམ་གྱི་འབྲས་ལས་གོལ་བའི་བརྒྱུད། །ནང་པ་སངས་རྒྱས་མིང་གཅིག་གསར་བཅོས་པའི། །ཆོས་དང་འགལ་བའི་ཀླག་ལུགས་གསར་དུ་རྒྱས། །དེ་ལྟར་སྔ་འགྱུར་ལུགས་སྲོལ་སྲུང་བ་རྣམས། །ཨ་རི་རིགས་གཞུང་ཧ་ཅང་འབྲེལ་མཁས་ཀུན། །ཡིད་མི་ཆེས་པར་སུན་བྱའི་དོན་མངོན་པས། །རང་གཞུང་གང་ལ་གཞན་རྫུ་ཟོག་པོར་མཐོང། །དེ་ལྟར་དེང་སང་ནང་ཆོས་འཛམ་གླིང་ཀུན། །སྙིགས་དུས་རྐྱེན་གྱི་རླུང་རྩུབ་ཁྱེར་བའི་ཆོས། །གར་བབ་མང་ཆེར་ཐོས་ཙམ་གོ་ཙམ་དང། །བག་ཙམ་ཆགས་པས་བསྟན་པའི་ཞབས་ཤུལ་སྟེ། །གསང་ཆེན་བསྟན་པའི་རྗེས་སུ་ལུས་པའི་རིས། །དེང་རབས་ཕན་ཐོགས་ཡོད་ཀྱང་ཕྱིའི་དུས། །ཤར་ནུབ་ཕྱོགས་མེད་སྙིགས་བསྐལ་ཆེར་བདོ་བས། །ད་རུང་བསྟན་པ་མི་ཚུགས་འདི་་ལྟར་འདའ། །གསང་ཆེན་བཀའ་གཏེར་ནུབ་ཕྱོགས་ཅུང་རྒྱས་ཞོར། །འགྲོ་དོན་ཆེ་ཀྱང་ནང་བསྟན་གསོས་པ་ལ། །རྟེན་འབྲེལ་ལེགས་ཉེས་སྐབས་སུ་མ་ངེས་པའི། །འབྱུང་བའི་གནས་འགྱུར་བདག་ཅག་སོ་སྐྱེས་རྣམས། །བསོད་ནམ་ཟད་པའི་རྟགས་སུ་བསྒྲིབ་པར་སྣང། །གང་ལྟར་ངེད་ཅག་སྐལ་བཟང་རབ་ལྡན་རྣམས། །སྔོན་གྱི་དམ་པའི་རྣམ་ཐར་རྒྱ་ཆེན་ལས། །འགྲོ་དོན་ཕྲལ་དང་ཕུགས་སུ་མཐར་ཕྱིན་དང། །བསྟན་པའི་ཞབས་སུ་མཆོག་གསུམ་བརྟེན་སྒྲུབ་དང། །མཁས་སྒྲུབ་བྱ་གསུམ་རྫོགས་པའི་སྲོལ་སྲུང་དང། །རང་བཞིན་སྐྱེས་དང་སྦྱངས་པའི་ཡོན་ཏན་དང། ་།དུས་དང་གནས་ཀྱི་རྟེན་འབྲེལ་སྔོན་ལས་ཉམས། །དེའི་ཕྱིར་ཕྲན་ལ་མཁས་སྒྲུབ་གོང་མ་རྣམས། །འགྲན་པར་འོས་པའི་རེ་དོགས་རང་བཞིན་མེད། །སྔོན་གྱི་དམ་པའི་ཤུལ་དུ་ཆོས་བཞིན་གོམས། །ལམ་དུ་ཡུན་ཚད་གོམས་པའི་དེ་ཙམ་གྱི། །དམ་པ་རྣམས་ཀྱི་བཞེད་དོན་བསྒྲུབ་པར་བརྩལ། །གང་རྩོལ་ལམ་གྱི་ཡོན་ཏན་རང་གི་ཡིད། །དུག་གསུམ་མེ་ཆེན་ངང་གིས་ཞི་ཞིང་འཕགས། །སུ་ལ་ཕན་དང་གང་གིས་མི་ཤེས་ཀྱང། །ཕྲན་ཡིད་ཕུགས་སུ་གཞན་ཕན་མོས་པར་གནས། ་ །འདི་ལྟར་འབྲིས་པའི་ལས་དོན་གང་མི་ཤེས། །སྐྱབས་རྗེའི་སྤྱན་ལམ་རང་མཚང་མངོན་བརྗོད་ན། །ལེགས་དཔྱད་བསམ་དོན་ཚིགས་སུ་བཅད་དོན་མེད། །རང་གིས་རང་ལ་བསྟོད་ཀྱང་མཁྱེན་མཆོག་རྣམས། །བྱིས་པའི་བབ་ཅོལ་སྨྲ་བའི་རྩེད་ལྟར་གཟིགས། །རང་གིས་རང་བསླུ་ཡིན་ཀྱང་དམ་པས་མཁྱེན། །བདེན་ཀྱང་མཁྱེན་གཉིས་ལྡན་ལ་བཤད་དོན་མེད། །དེ་ལྟར་ཅོལ་གཏམ་འདི་ལ་དགོངས་མ་བརྩོམ། །རང་རྟགས་སྟོན་པའི་རྩུབ་སྤྱོད་ད་གཟོད་རྫོགས།
No comments:
Post a Comment