c.2007
༄།། །ཕ་གར་གྱི་དབྱིངས་ཆེན་འཕྲོ་འདུའི་རྩལ།
།སྲས་ཤར་སྒོར་ཉི་མའི་སྲུང་ལྷ་མོ།
།བུ་སྐལ་ལྡན་སློབ་མའི་དཀྱིལ་བཀོད་པའི།
།རིགས་ཐེག་མཆོག་བརྒྱུད་འཛིན་ནམ་ལངས་སྐར།
།རུས་བྱང་ཆུབ་ལམ་དུ་སྙིང་སྟོབས་ཆེའི།
།གདུངས་མཆོག་གསུམ་འཕགས་པའི་ལྷ་ལམ་བསྡུས།
།འགྲོའི་དགོན་པོ་གར་གྱི་དབང་ཕྱུག་གི།
།སློབ་དཀོ༷ན་མཆོ༷ག་བཀྲ༷་ཤི༷ས་འདིར་གུས་པས།
།སླར་སེམས་པའི་ཚེས་རབ་ཀུན་མ་ལུས།
།སྐུ་མདུན་གྱི་དག་ཞིང་གེ་སར་བསྐྱེད།
།གནས་སུ་མོས་བདག་འདྲའི་འགྲོ་ཀུན་གྱི།
།དཔལ་དུ་འགྱུར་རྗེ་ཁྱོད་རྗེས་ཟུང་ནས།
།རྫོགས་རྣམ་ཀུན་ལྡན་པའི་དཀྱིལ་འཁོར་གཅིག
།མྱུར་ཐོགས་མེད་བླ་མའི་སར་བགྲོད་ཤོག།
།ཞེས་བློ་ཟ་ཝ་ང་འདྲ་ཞིག་གིས་ལོ་ཆེས་མང་རུ་འདའ་བའི་རྟོག་པས་ཡིད་གདུངས་པ་བཞིན་དུ་། རྗེ་དམ་པའི་གསང་གསུམ་གསིལ་ལྗོན་ས་ནས་དྲན་པའི་ལེགས་རྩིས་ཧུབ་ཀྱིས་བཏུངས་ཅིང། མང་བཅོས་ཚིག་འདི་རྣམས་སྙིང་ནས་སྨོན་པའི་ཟིལ་གནོན་པས་ཕབ་པའོ།
༄།། །འཁོར་འདད་ཀུན་གྱི་གཞིར་གྱུར་ལྷན་སྐྱེས་དོན།
།རྟོགས་པའི་མཁ་ཡངས་འདོད་པའི་བ་འཇོ་ནི།
།དབྱིངས་མཆོག་གནས་ལུགས་འཕེན་པའི་མདའ་སེམས་པ།
།སྒྲུབ་པའི་སྤྱི་མེས་ས་ར་ཧ་པ་ཀྱེ།
།བདག་འདྲ་ཧ་ཅང་རྟོག་གེའི་བློ་ཡུལ་ཁྱད་བྱས་ན།
།སྡུག་སྤྲུལ་གནོད་མེད་མཐའ་འཛིན་རློམ་པ་བཞིན།
།རང་ལ་ཕན་མེད་རྟོག་པའི་རྒྱུ་མཐུད་སྲིང།
།དེ་ཕྱིར་སྒོ་གསུམ་མོས་པའི་ཕྱག་དང་ནི།
།གསང་གསུམ་མཉེས་པའི་མཆོད་ཕྲིན་ཕུལ་བས་ན།
།བདག་གི་སྐྱབ་མཆོག་རྟག་ཏུ་གནས་པ་དང།
།རེ་བའི་སྒྲུབ་པའི་འབྲས་བཟང་ལྷུན་གྲུབ་སྩོལ།
༄།། །སྙིང་པོའི་ཡོན་ཏན་རྟོགས་གྲོལ་ཀློང་གྱུར་པའི།
།མཁྱེན་བརྩེའི་ནུས་ལྡན་གར་གྱི་དབྱང་ཕྱུག་རྩལ།
།སྙིགས་ལྔས་མནར་བའི་འགྲོ་དང་བསྟན་པའི་དཔལ།
།བརྟེན་པའི་གཞིར་གྱུར་ཡིད་བཞིན་ནོར་བུ་ཁྱོད།་
།བུ་སློབ་མོས་པའི་བསྐུལ་དང་དགོངས་མཐུན་པས།
།འཛམ་གླིང་བདེ་སྐྱིད་གོང་འཕེལ་སྙིང་རྗེའི་ཕྲིན།
།དུག་ལྔ་བསལ་བའི་ཆར་བསིལ་རྟག་པར་འབེབས།
No comments:
Post a Comment